*भिडेवर देशद्रोहाचा गुन्हा नोंद करा_ विकास बल्लाळ यांची मागणी*
(हादरा न्युज नेटवर्क ) इस्लामपूर ः भिडे यांचा एक व्हिडिओ नुकताच समाज माध्यमांवर व्हायरल झालेला आहे.यामध्ये त्यांनी अत्यंत असभ्य आणि अश्लाघ्य भाषेमध्ये स्वातंत्र्य दिन व भारतीय ध्वज याबाबत आक्षेपार्ह टिप्पणी केल्याचे स्पष्टपणे दिसत आहे. या व्हिडिओमध्ये ते म्हणतात, स्वातंत्र्य हे 'हांडगे' स्वातंत्र्य आहे. १५ ऑगस्टला तिरंगा नावापुरता घ्या, परंतु भगवा झेंडा मोठा घेऊन मिरवणूक काढा.या त्यांच्या वक्तव्यातून तमाम भारतीय नागरिकांच्या भावना दुखावल्या असून भारतीय संविधानाने निर्देश केल्याप्रमाणे भारतीय ध्वज व राष्ट्रगीत या राष्ट्रीय प्रतीकांचे अवमूल्यन आणि अवमान या संभाजी भिडे नावाच्या इसमाने केला आहे. त्याचबरोबर स्वातंत्र्य दिनी कडकडीत उपास करा असेही त्याने म्हटले आहे.हीअत्यंत गंभीर गोष्ट आहे. राष्ट्रीय प्रतीक असलेल्या भारतीय ध्वज व जनगणमन या राष्ट्रगीता बद्दल त्यांनी जे अकलेचे तारे तोडले आहेत ते कोणत्याही भारतीय नागरिकाला मान्य होणारे नाहीत.संभाजी भिडेच्या या वक्तव्यातून देशासाठी प्राणार्पण केलेल्या शहीद क्रांतिकारकांचा ,राष्ट्रीय महापुरुषांचा व स्वातंत्र्य चळवळीतील सर्व सहभागी क्रांतीवीरांचा अपमान झालेला आहे. त्यामुळे तमाम भारतीयांच्या भावना दुखावल्या गेल्या आहेत .दलित महासंघाच्या वतीने आम्ही या निवेदनाद्वारे आपल्याकडे अशी मागणी करतो की, संभाजी भिडे नावाच्या या विकृत माथेफिरुवर राष्ट्रीय ध्वज, राष्ट्रगीत या राष्ट्रीय प्रतीकांचे अवमूल्यन आणि अपमान केल्याबद्दल आणि समाजामध्ये तेढ निर्माण केल्याबद्दल ,भारतीय नागरिकांच्या भावना दुखावल्याबद्दल तातडीने देशद्रोहाचा गुन्हा नोंद करण्यात यावा. याबाबत तातडीने कार्यवाही न झाल्यास दलित महासंघाच्या वतीने आम्ही तीव्र आंदोलन करू याची नोंद घ्यावी.
दलित महासंघ सांगली जिल्हा अध्यक्ष विकास बल्लाळ, रवि बल्लाळ सांगली जिल्हा संघटक, संतोष नवाळे सांगली जिल्हा कायदा सल्लागार, रमेश सकटे इस्लामपूर शहर अध्यक्ष, अमित पाटोळे शहर उपाध्यक्ष, प्रयाग भिसे युवक शहर अध्यक्ष
